राष्ट्रिय स्वतन्त्र पार्टीको उपसभापतिमा पार्टीका प्रतिनिधिसभा सदस्य स्वर्णिम वाग्ले मनोनयन हुनुभएको छ ।

महोत्तरीको जलेश्वरमा बसेको केन्द्रीय समिति र संसदीय दलको संयुक्त बैठकले वाग्लेलाई उपसभापति चयन गरेको हो । पार्टी सभापति रवि लामिछानेले वाग्लेलाई उपसभापति बनाउने प्रस्ताव गर्नुभएको थियो । साथै बैठकले सुमना श्रेष्ठ, कविन्द्र बुर्लाकोटी र विपिन आचार्यलाई सह-महामन्त्री चुनेको छ । यसैगरी, संसदीय दलको उपनेताको रुपमा विराजभक्त श्रेष्ठ चुनिएका छन्। पार्टी कोषाध्यक्ष लिमा अधिकारी सह-कोषाध्यक्ष वसुमाया तामाङ्ग र दीपक बोहरा चयन भएका छन् । पार्टीका सह-प्रवक्तामा रमेश प्रसाई, मनिष झा, प्रतिभा रावल चुनिएका छन् ।

उक्त बैठकले पार्टीको मूल दस्तावेजको रुपमा “बहुलवादी लोकतान्त्रिक” प्रस्तावना समेत पारित गरेको छ । प्रस्तावनामा रास्वपाले लोकतान्त्रिक गणतन्त्रात्मक शासन प्रणालीमार्फत नै समावेशी समाज निर्माण गर्ने उल्लेख गरेको छ ।