बिज्ञान राई/पूर्वीय दर्शनमा आधारित सामवेदको एक टुक्रा शास्त्रीय संगीत २०८१ फागुन महिनाको ३ गते धरान १७ को स्थानिय उदय सामुदायिक वन उपभोक्ताको सभाहलमा गुन्जयमान भएको थियो । उक्त संगीतमय साझको प्रस्तुतीमा बासुरी बादक डा.निरन्जन भण्डारी,तबलामा डा,अच्युत राजभण्डारी र सितारमा रामकुमार अर्याल रहेका थिए ।

धरान १७ वन समितिको सभाहलमा गुन्जयमान भएको उक्त सांगीतिक साझमा स्थानिय दर्शक श्रोताहरुको बाक्लो उपस्थिति रहेको थियो । बिशेष गरेर पाश्चात्य संगीतले पूर्वीय संगीतलाई नकरात्मक प्रभाव पारिरहेको बेला यस्ता कार्यक्रमले शास्त्रीय संगीत प्रतिको महत्वो र बिशेषता बारे सबैमा उत्सुकता जगाउने हेतुले यस्तो कार्यक्रमको आयोजना गरिएको कार्यक्रमका संयोजक टेकेन्द्र श्रेष्ठले जानकारी गराए । सुनौलो पुस्तकालय धरान १७ को आयोजना र सचेत नागरिक समूह धरान १७ को ब्यबस्थापनमा भएको उक्त संगीतमय साझका कलाकारहरुको प्रस्तुती धरान ब्यापार मेलामा समेत प्रस्तुती रहने संयोजक श्रेष्ठले जानकारी गराए ।

भिडियो