धरान अपडेट :धरानमा केही समय एता धरान ११ स्थित मंगलबारेमा गोरुको मासु खाएको भिडियो सार्वजनिक भएपश्चात केही हिन्द धर्मालम्वहिरुले विभिनन माध्यमबाट केही विरोध गर्दै आएका थिए । उक्त कार्यको बिरोध स्वरुप भदौ ९ गते हिन्दु धर्मालम्वीहरुले धरानमा एक कार्यक्रम गर्ने भनि बिभिन्न सामाजिक सञ्जालमा हल्ला फैलिए पछि सद्भाव –यालीको आयोजना गरिएको –याली समितिका सदस्य एवं पूर्व मेयर कुमार ब.कार्कीले जानकारी गराए ।

अर्का सदस्य एवं नेपाली कांग्रेश धरान नगरका सभापति श्याम पोख्रेलका अनुसार हिन्दु धर्मालम्वीहरुले भदौ ९ गते कार्यक्रम गर्ने औपचारिक रुपमा जानकारीमा आएको र सो को बिषयमा सर्वदलीय बैठक समेत वसेर छलफल गरी सद्भाव –याली निकालिएको जानकारी गराए । उक्त हिन्दुवादीहरुले गर्ने कार्यक्रमको नेतृत्व धरानका हिन्दुवादीहरुले नगरेको बिश्व हिन्दु महासंघका सुनसरी जिल्ला अध्यक्ष आनन्द आचार्यले बताए । यसै गरी जिल्ला प्रशासन कार्यालय सुनसरीका प्रमुख जिल्ला अधिकारी हुमकला पाण्डे बाट मिति २०८०।०५।०८ गते राती १२ बजे देखि २०८०।०५।०९ गते राती १२ बजे सम्म सामूहिक रुपमा भेला भएर धार्मिक लगाएतका कृयाकलाप गर्नमा रोक लगाएको छ ।