धरानका नगर प्रमुख हर्क साम्पाङले फागुन २१ गते हुने प्रतिनिधि सभाको चुनावमा सुनसरी–१ बाट श्रम संस्कृति पार्टीको उम्मेदवार बन्ने घोषणा गरेका छन् । उनी पार्टीका केन्द्रीय अध्यक्ष हुन ।

साम्पाङले बुधवार सामाजिक सञ्जाल फेसबुक मार्फत उम्मेदवारीको औपचारिक घोषणा गरेका हुन । उनको अधिकारीक घोषणा फेसबुकबाटै हुने गरेको छ ।
यसअघि तत्कालीन माओवादीका युवा नेता सुदन किरातीलाई प्रगतिशील लोकतान्त्रिक पार्टीले सुनसरी–१ बाट उम्मेदवार बनाउने निर्णय गरेको थियो । उक्त समाचार सार्वजनिक भएपछि नगर प्रमुख हर्क साम्पाङले उम्मेदवारीको घोषणा गरेका हुन ।